ល្បែងប្រជល់មាន់ភ្នាល់ដាក់លុយតាមទូរទស្សន៍អនឡាញ នៅមិនឆ្ងាយពីប៉ុស្តិ៍នគរបាល ឃុំទឹកវិល កំពុងបើកលេងយ៉ាងរលូនសមត្ថកិច្ចធ្វើមិនឃើញ..
ប្រជាពលរដ្ឋដែលរស់នៅក្នុង ឃុំទឹកវិលទាំងមូល មានការព្រួយបារម្ភ ចិត្តយ៉ាងខ្លាំងចំពោះល្បែងភ្នាល់ដាក់លុយ ( មាន់ជល់តាមទូរទស្សន)ជាពិសេសនោះនៅជិត ប៉ុស្តិ៍នគរបាល ឃុំទឹកវិលតែម្ដង
អ្នកលេងតែងតែប្រមូលផ្ដុំមកជុំគ្នាលេង ស្រែកហូរកញ្ជ្រាវដោយមិនខ្លាចច្បាប់ទម្លាប់បន្តិចសោះឡើយប្រជាពលរដ្ឋខ្លះបាននិយាយបន្តទៀតថា÷
ប្រហែលគេបានសែនព្រានដល់សមត្ថកិច្ចក្នុងមូលដ្ឋានក៏ដូចជា លោក រស់ ចន្ថា អធិការស្រុកស្អាង អស់ហើយមើលទៅបានជាលោកមិនអើពើបង្ក្រាបនិងទប់ស្កាត់ ពួកគាត់ក៏បានបន្តទៀតថា បើល្បែងពេញឃុំដូច្នេះ តើឯណាទៅភូមិឃុំមានសុវត្ថិភាពទាំង៧ចំនុច! របស់រាជ
រដ្ឋាភិបាល ហេតុដូច្នេះហើយទើបពួកគាត់ស្នើសុំអោយ លោក អធិការ និងលោក អភិបាល ស្រុកស្អាងមេត្តាជួយទប់ស្កាត់និងលុបបំបាត់ក្នុងភូមិឃុំរបស់គាត់ដើម្បីឲ្យពួកគាត់បានរស់នៅដោយមិនភ័យខ្លាច ព្រោះល្បែងស៊ីសងទាំងនេះអាចឲ្យកើតមាន ដូចជា ចោរឆក់ ចោរប្លន់និងអំពើហិង្សាក្នុងគ្រួសារជាដើម៕
