អ្នកជិះកង់៣២៨នាក់ប្រកួតគ្នាយ៉ាងស្វិតស្វាញលើភ្នំពោរពេញដោយឧបសគ្គក្នុងខេត្តកំពត

នៅព្រឹកថ្ងៃទី១ ខែឧសភា អ្នកស្រលាញ់ការជិះកង់ និងកីឡាករ កីឡាការីនីអាជីពប្រមាណជាង៣២៧នាក់បានចូលរួមព្រឹត្តិការណ៍ប្រណាំងកង់ភ្នំ WURKZ MOUNTAIN BIKE SERIES រដូវកាល ២០២២ជុំទី១ធ្វើឡើងនៅលើភ្នំកកេសស្ថិតក្នុងទឹកដីនៃខេត្តកំពត។

លោក Pierre Yves Catry ស្ថានិកកម្មវិធីប្រណាំងកង់ភ្នំ និងជាតំណាងអ្នករៀបចំកម្មវិធី FLYING BIKES2 ឲ្យដឹងថាជុំទី១បានទាក់ទាញកីឡាករ កីឡាការីនីជម្រើសជាតិ មហាជនដែលស្រលាញ់ការជិះកង់ទាំងក្មេងចាស់ប្រុសស្រី និងបុគ្គលិកក្រុមហ៊ុន ជីប ម៉ុងចូលរួមជាច្រើនសរុបរហូតដល់ទៅ៣២៨នាក់ធ្វើការប្រណាំងយ៉ាងស្វិតស្វាញ និងពោរពេញដោយថាមពល។