ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានណែនាំដល់ថ្នាក់ដឹកនាំក្រសួង មន្រ្តីរាជការ និងមន្រ្តីកិច្ចសន្យានៃក្រសួង អញ្ជើញមកធ្វើអត្តសញ្ញាណប័ណ្ណសញ្ជាតិខ្មែរថ្មី ដែលរៀបចំដោយក្រុមការងារមកពីអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ។
ក្នុងរយៈពេលពីរថ្ងៃ គឺថ្ងៃអង្គារទី១៥និងថ្ងៃពុធទី១៦ ខែវិច្ឆិកា ឆ្នាំ២០២២នេះ ថ្នាក់ដឹកនាំក្រសួង មន្ដ្រីរាជការស៊ីវិល មន្ដ្រីជាប់កិច្ចសន្យា និងសមាជិកក្នុងបន្ទុកគ្រួសារ បានអញ្ជើញមកធ្វើអត្តសញ្ញាណប័ណ្ណសញ្ជាតិខ្មែរថ្មី ដែលមានចំនួនសរុប ២៥២នាក់។ ក្នុងនោះអ្នកធ្វើថ្មីចំនួន៧នាក់ អ្នកផុតសុពលភាពចំនួន១២៩នាក់ អ្នកដែលខូចមានចំនួន៨៦នាក់ អ្នកដែលបានបាត់អត្តសញ្ញាណប័ណ្ណមានចំនួន ២១ នាក់ និងអ្នកដែលសុំកែតម្រូវឈ្មោះទាំងអក្សរខ្មែរ និងអក្សរទ្បាតាំងចំនួន៩នាក់៕
