ខេត្តកំពង់ស្ពឺ: ល្បែងមាន់ជល់អនឡាញ និងឡូតូបច្ចុប្បន្ននេះត្រូវបានគេមើលឃើញថា កើតមានស្ទើរតែគ្រប់ហាងកាហ្វេ និងតាមក្លឹបកីឡាបាល់ទះឡើងវិញហើយ នៅក្នុងស្រុកភ្នំស្រួច។យោងតាមប្រភព ពីពលរដ្ឋនៅឃុំត្រែងត្រយឹង ពួកគាត់កំពុងតែសម្ដែងការព្រួយបារម្ភ ចំពោះវត្តមាន ល្បែងស៊ីសងមាន់ជល់ តាមអនឡាញ ត្រូវបានក្រុមថៅកែល្បែង ដាក់ពង្រាយនៅតាមហាងកាហ្វេ និងតារាងបាល់ទះ។ ដោយមានសំឡេងអ្នកលេង ហ៊ោរកញ្ជ្រៀវអឺងកង ប៉ុន្តែសំឡេងទាំងនោះ មិនបានលឺប៉ះដល់ត្រចៀកមន្ត្រីអាជ្ញាធរ និងសមត្ថកិច្ចក្នុមូលដ្ឋាននោះឡើយ នេះបើតាមប្រភពដែលបណ្ដាញសារព័ត៌មានពេញចិត្តមេឌា ទើបទទួលបាន។
