រដ្ឋបាលស្រុកស្អាងបានរៀបចំពិធីបុណ្យបញ្ចុះខណ្ឌសីមានិងស្រោចស្រពព្រះសុគន្ធាវារីប្រគេនព្រះភិក្ខុ ពិសុទ្ធិសីលោ ឡាំង សារ៉ាត់ ក្រោមអធិបតីភាព ដ៏ខ្ពង់ខ្ពស់ ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាល លោក ជី ហៃ អភិបាលស្រុកស្អាងនិងមន្ត្រីក្រោមឱវាទជាច្រើនទៀត..

ថ្ងៃអាទិត្យ ៨កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៧ ខែមិនា ឆ្នាំ២០២០៤
(ស្រុកស្អាងខេត្តកណ្ដាល) ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្ដាល បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបុណ្យបញ្ចុះខណ្ឌសីមា និងកសាងព្រះវិហារសម្ពោធឆ្លងសមិទ្ធផលនានា នៅក្នុងវត្ត កេតុបទុម ហៅ (វត្តតាលន់)ស្តិតនៅក្នុងភូមិតាលន់ ឃុំតាលន់ ស្រុកស្អាង ខេត្តកណ្តាល។

ឯកឧត្តម អភិបាលខេត្ត បានមានប្រសាសន៍ថាពិធីបុណ្យបញ្ចុះខណ្ឌសីមា កសាងព្រះវិហារ និងសម្ពោធឆ្លងសមិទ្ធផលនានា ដែលកំពុងប្រារព្ធឡើងនាឱកាសនេះ គឺជាសមិទ្ធផលថ្មី ដែលបានបង្ហាញឲ្យឃើញពីការរីកចំរើន បន្ថែមទៀតក្នុងព្រះពុទ្ធសាសនា ដែលក៏កើតឡេីងចេញពីមូលដ្ឋានគ្រឹះដ៍សំខាន់នៃសុខសន្តិភាព ការអភិវឌ្ឍន៍លើគ្រប់វិស័យ ព្រះពុទ្ធសាសនា បានដើរតួនាទីយ៉ាងសំខាន់ ក្នុងការកសាងនូវសន្តិភាព ផ្លូវចិត្ត របស់បុគ្គល និងសន្តិសុខសង្គម។

ឯកឧត្ដម អភិបាលខេត្តមានប្រសាសន៍សំណេះសំណាលសួរសុខទុក្ខ បងប្អូន លោកយាយ លោកតា ឧបាសកឧបាសិកា ដែលបានចូលរួមក្នុងពិធីបញ្ចុះខណ្ឌសីមា និងកសាងព្រះវិហារ នាឧកាសនោះផងដែរ។

ជាចុងបញ្ចប់ ឯកឧត្ដម គង់ សោភណ្ឌ័ អភិបាល នៃគណ:អភិបាលខេត្ត សូមផ្ដាំផ្ញេីរទៅដល់បងប្អូនប្រជាពលរដ្ធពិសេសមន្រ្តីរាជការសូមកុំប្រេីប្រាសគ្រឿនញានឲ្យសោះ ព្រោះគ្រឿងញានអាចបំផ្លាញខ្លួនយេីងនិងអនាគត៕