ក្រុងតាខ្មៅ ៖ ចេញផ្សាយថ្ងៃទី០៥.០៨.២០២២ ទីតាំងបើកល្បែងស៊ីសងជល់មាន់តាមប្រព័ន្ធអនឡាញភ្នាល់លុយគ្នាមាន២កន្លែងស្ថិតក្នុងព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ប្រជាពលរដ្ឋរស់នៅក្នុងមូលដ្ឋានក្រុងតាខ្មៅជាច្រើនកំពុងត្អូញត្អែលពីបញ្ហាល្បែងស៊ីសងរីកដូចផ្សិតមូលដ្ឋានរបស់ខ្លួនពួកគាត់បានរាយការណ៍មកអង្គភាពសារព័ត៌មាន {រស្មីក្រុងតាខ្មៅ}យើងអោយដឹងថា កំពុងតែលួចលាក់បើកដំណើរការបានដោយរលូនតើ{លោកមេប៉ុស្តិ៍កំពង់សំណាញ់និងលោកអធិការក្រុងតាខ្មៅ}ជាពិសេសលោក នូ សុវណ្ណា អភិបាលក្រុងតាខ្មៅដឹងរឿងនេះហើយឬនៅ???
ក្រោយពីទទួលព័ត៌មានពីប្រជាពលរដ្ឋរាយការណ៍ទីតាំង២កន្លែងនេះបានធ្វើកិច្ចសន្យាហើយតែពេលនេះបានបើកដំណើរការជាថ្មីម្ដង ក្រោយពីទទួលព័ត៌មានភ្លាមៗអង្គភាពសារព័ត៌មាន{រស្មីក្រុងតាខ្មៅ}យើងបានចុះទៅដល់គោលដៅទីតាំងល្បែងស៊ីសងខាងលើពិតជាមានលួចលាក់អ្នកលេងល្បែងស៊ីសងបន្តទៀតដូចតាមសេចក្តីរាយការណ៍ពីប្រជាពលរដ្ឋពិតប្រាកដមែន ក៏បានធ្វើការផ្តិតរូបភាពផ្សារជាថ្មីដើម្បីធ្វើការចុះផ្សាយព័ត៌មានចៀសវាងអាជ្ញាធរពាក់ព័ន្ធប្រតិកម្មថាជារូបភាពចាស់មកច្នៃប្រឌិតដើម្បីធ្វើឱ្យប៉ះពាល់ដល់សេចក្តីថ្លៃថ្នូរសមត្ថកិច្ចនិងអោយជ្រាបដល់អាជ្ញាធរពាក់ពន្ធ័ក្នុងមូលដ្ឋានក្រុងតាខ្មៅដើម្បីមានវិធានការចុះទប់ស្កាត់បង្ក្រាបម្តងទៀត។
តាមការលើកឡើងរបស់ប្រជាពលរដ្ឋថា៖លោក មេប៉ុស្តិ៍កំពង់សំណាញ់ប្រហែលជាអសមត្ថភាពក្នុងការបង្ក្រាបល្បែងស៊ីសង២កន្លែងនេះទើបមានការបើកលេងសារជាថ្មីទើបមិនខ្លាចញញើតដល់អាជ្ញាធរសមត្ថកិច្ចពាក់ព័ន្ធមានអំណាចនៅក្នុងមូលដ្ឋាន ឬក៏ម្ចាស់ទីតាំង២កន្លែងនេះបានសែនព្រេនជូនលោកមេប៉ុស្តិ៍កំពង់សំណាញ់ទើបមិនមានវិធានការរឺរាយការណ៍ជូនថ្នាក់ដឹកនាំក្រុងតាខ្មៅដើម្បីសុំគោលកាណ៍បង្ក្រាប។
ពលរដ្ឋសូមមិនបញ្ចេញឈ្មោះ បានត្អូញត្អែរប្រាប់សារព័ត៌មានយើងបន្តថា៖ទីតាំងល្បែងស៊ីសងខុសច្បាប់ខាងលើនេះកំពុងតែមានវត្តមាននៅក្នុងភូមិសាស្ត្ររបស់ពួកគាត់ហើយធ្វើឲ្យពួកគាត់មានការព្រួយបារម្ភជាខ្លាំងព្រោះថាទីតាំងមួយកន្លែងនេះលេងភ្នាល់លុយម្ដងៗរាប់(លានរៀល)ស្រែកហ៊ោកញ្ជ្រៀវពេលឈ្នះ-ចាញ់ម្ដងៗធ្វើអោយពួកគាត់ដេកមិនលក់បក់មិនល្ហើយព្រោះខ្លាចប៉ះពាល់ដល់សុវត្ថិភាពសន្តិសុខពេលយប់ព្រោះថាក្រុមអ្នកញៀនល្បែងទាំងនោះឈ្នះ-ចាញ់ ម្ដងៗធ្វើឲ្យគាត់មានការភ័យខ្លាច។
ជុំវិញល្បែងស៊ីសងលើប្រជាពលរដ្ឋតែលើកឡើងនិយាយតៗគ្នាថា៖លោក នូ សុវណ្ណា អភិបាលក្រុងតាខ្មៅ គួរតែភ្ញាក់ពីដំណេកលុបមុខសិតសក់ឆ្លុះកញ្ចក់មើលខ្លួនឯងថាបច្ចុប្បន្នជានរណាហើយមានតួនាទីអ្វីដើម្បីបម្រើដល់សង្គមជាតិនិងសុវត្ថិភាពបងប្អូនប្រជាពលរដ្ឋក្នុងមូលដ្ឋានគួរធ្វើយ៉ាងម៉េចក្នុងការចុះបង្ក្រាបល្បែងស៊ីសងតាមប្រព័ន្ធអនឡាញភ្នាល់លុយគ្នារាប់លាន២កន្លែងនេះដើម្បីសុវត្ថិភាពជូនបងប្អូនប្រជាពលរដ្ឋក្នុងមូលដ្ឋានឬក៏ខ្ជិលច្រអូសក្នុងការដឹកនាំកម្លាំងក្រោមឱវាទក្នុងការចុះបង្ក្រាបល្បែងស៊ីសងពោល៖ជៀសវាងប្រជាពលរដ្ឋក្នុងមូលដ្ឋានដាក់ការសង្ស័យថាលោក អភិបាល ក្រុងតាខ្មៅមានការឃុបឃិតជាប្រព័ន្ធបង្កើតបទល្មើសក្នុងមូលដ្ឋានដើម្បីទទួលលាភសក្ការៈ។ក្នុងនោះដែរលោក យី វណ្ណដា អធិការក្រុងតាខ្មៅ គួរតែយកចិត្តទុកដាក់បន្តិចក្នុងការចុះបង្ក្រាបល្បែងស៊ីសងនៅក្នុងមូលដ្ឋានដែនរបស់ខ្លួនដើម្បីរក្សាថេរភាពសន្តិសុខសណ្តាប់ធ្នាប់និងសុវត្ថិភាពជូនដល់បងប្អូនប្រជាពលរដ្ឋនៅក្នុងមូលដ្ឋាន ដើម្បីចូលរួមបញ្ជៀសពីសកម្មភាពអំពើចោរកម្មផ្សេងៗនៅក្នុងមូលដ្ឋាន៖ដូចជា លួច-ឆក់-ប្លន់-គាស់ផ្ទះបងប្អូនប្រជាពលរដ្ឋជាដើម! ហេតុដូច្នេះអាជ្ញាធរពាក់ព័ន្ធក្នុងក្រុងតាខ្មៅគួរតែមានវិធានការចុះបង្ក្រាបដើម្បីភូមិឃុំមានសុវត្ថិភាពទាំង៧ចំណុចក្នុងមូលដ្ឋានឲ្យមានប្រសិទ្ធភាពខ្ពស់និងចូលរួមគោរពទៅតាមការអនុវត្តតាមយុទ្ធសាស្ត្រពី ឯកឧត្តមស្នងការខេត្តកណ្ដាល លុបបំបាត់សកម្មភាពទាំងឡាយណាដែរធ្វើឱ្យប៉ះពាល់ដល់សន្តិសុខសុវត្ថិភាពសណ្ដាប់ធ្នាប់ក្នុងមូលដ្ឋាន។
អង្គភាពសារព័ត៌មានយើងខ្ញុំសង្ឃឹមថា ការចុះផ្សាយព័ត៌មានមួយនេះនិងមានប្រសិទ្ធភាពខ្ពស់ ដើម្បីជូនដំណឹងដល់ថ្នាក់ដឹកនាំក្នុងមូលដ្ឋានក្រុងតាខ្មៅអោយជ្រាបថាល្បែងស៊ីសងកំពុងតែធ្វើឲ្យបងប្អូនប្រជាពលរដ្ឋក្នុងមូលដ្ឋានមានការភ័យខ្លាចនិងក្តៅក្រហាយដល់ក្រុមគ្រួសារពួកគាត់!!រិះគន់ក្នុងន័យស្ថាបនាដើម្បីទីក្រុងមានសុវត្ថិភាពខ្ពស់ក្រោមការដឹកនាំរបស់លោកឧត្តមសេនីយ៍ទោស្នងការខេត្តកណ្ដាលសូមអរគុណ។។
ជុំវិញការចុះផ្សាយខាងលើនេះអង្គភាពសារព័ត៌មានយើងរងចាំការបំភ្លឺពីអាជ្ញាធរនិងម្ចាស់ទីតាំងរៀងរាល់ម៉ោងធ្វើការ៕ សូមអរគុណ!
