ប្រភពស្និទ្ធនឹងឈ្មួញឈ្មោះ ចែស្រី បានឲ្យដឹងថា ឈ្មួញម្នាក់នេះដឹកជញ្ជូនឈើឆ្លងកាត់ផ្លូវក្នុងស្រុកសង្គមថ្មី ចូលមកខេត្តកំពង់ធំ តាមស្រុកប្រាសាទបល្ល័ង្ក យ៉ាងសុខស្រួលដោយឆ្លងកាត់មុខស្នាក់ការបរិស្ថាន ស្នាក់ការរដ្ឋបាលព្រៃឈើនិងប៉ុស្តិ៍ត្រួតពិនិត្យរបស់សមត្ថកិច្ចជាច្រើនកន្លែង។ ប្រភពបានឲ្យដឹងទៀតថា ឈ្មួញឈ្មោះ ចែស្រី បានរត់ការបង់លុយឲ្យមន្រ្តីជំនាញនិងសមត្ថកិច្ចពាក់ព័ន្ធជាមុនទើបអាចដឹកជញ្ជូនឈើទៅដល់គោលដៅដោយគ្មានការរំខាន។ ជាពិសេសលោក ស៊ុ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង តែងរក្សាភាពស្ងៀមស្ងាត់ ក្នុងខណៈដែលឈ្មួញឈ្មោះ ចែស្រី ដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ យ៉ាងពេញបន្ទុក។
ប្រភពពីមន្រ្តីអាជ្ញាធរក្នុងស្រុករវៀង ខេត្តព្រះវិហារ បានឲ្យដឹងថា បច្ចុប្បន្នឈ្មួញឈ្មោះ ចែស្រី នៅតែធ្វើសកម្មភាពដឹកជញ្ជូនឈើពីស្រុកសង្គមថ្មី ឆ្លងកាត់ផ្លូវជាតិលេខ៦២ ស្រុករវៀង ខេត្តព្រះវិហារ ចូលទៅខេត្តកំពង់ធំ យ៉ាងរលូន។ ប្រភពបានឲ្យដឹងទៀតថា លោក ស៊ុ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង មិនចាត់វិធានការបង្ក្រាបឈ្មួញឈ្មោះ ចែស្រី នោះទេ។ រីឯលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ បណ្តោយឲ្យលោក ស៊ុ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង ធ្វើអ្វីៗតាមអំពើចិត្តរបស់ខ្លួន។
ប្រភពស្និទ្ធនឹងលោក ស៊ុ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង បានឲ្យដឹងថា ទាល់តែមានការបើកដៃពីលោក ពឹង ទ្រីដា និងលោក នួន សុខុម ទើបលោក ស៊ុ ស៊ីវុត្ថា អាចសម្ងំប្រមូលលុយពីក្រុមឈ្មួញដឹកជញ្ជូនឈើខុសច្បាប់យ៉ាងត្រជាក់ចិត្ត។ ជាក់ស្តែងបច្ចុប្បន្នឈ្មួញឈ្មោះ ចែស្រី នៅតែបន្តសកម្មភាពដឹកជញ្ជូនឈើពីខេត្តព្រះវិហារ ចូលខេត្តកំពង់ធំ យ៉ាងពេញបន្ទុកហើយលោក ស៊ុ ស៊ីវុត្ថា ហៅតាវ៉ែនតា នាយផ្នែករដ្ឋបាលព្រៃឈើរវៀង សម្ងំស្ងាត់ឈឹង។ ដូច្នេះលោក កែវ អូម៉ាលីស្ស ប្រធានរដ្ឋបាលព្រៃឈើនៃក្រសួងកសិកម្ម គួរពិនិត្យឡើងវិញខ្លះផងព្រោះឈ្មួញច្រើននាក់នៅតែអាចដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ។មានត
