នៅព្រឹកថ្ងៃពុធ ២រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៨ ខែមីនា ឆ្នាំ ២០២៣ លោក សែម សោត្ថី ប្រធានក្រុមប្រឹក្សាស្រុក និង លោក កន សុខកាយ អភិបាល នៃគណៈអភិបាលស្រុកល្វាឯម បានអញ្ជើញជាអធិបតីភាពក្នុងពិធីសំណេះសំណាលជាមួយលោកគ្រូ អ្នកគ្រូ ចូលនិវត្តន៍ និងអបអរសាទរទិវាអន្តរជាតិ នារី ៨មីនា ខួបលើកទី១១២ ឆ្នាំ២០២៣ នៅវិទ្យាល័យហ៊ុន សែន ទឹកឃ្លាំង ។
ក្នុងនោះដែរលោកប្រធានក្រុមប្រឹក្សាស្រុក និងលោកអភិបាលស្រុក រួមទាំងមន្រី្តរាជការក៏បានអញ្ជើញទស្សនាការតាំងពិពណ៌ស្នាដៃសិស្ស និងមានការសម្តែង របាំជូនពរ រឿងខ្លីដកស្រង់ពីរឿងទំទាវ របស់សសិស្សនៃវិទ្យាល័យហ៊ុន សែន ទឹកឃ្លាំង ព្រមទាំងការសម្តែងក្បាច់គុណល្បុកតោ ល្ខោនខោល របស់ក្រុមសម្តែងវត្តស្វាយអណ្តែតផងដែរ។
សមាសភាពចូលរួមមាន លោក លោកស្រី សមាជិកក្រុមប្រឹក្សាស្រុក លោក លោកស្រី អភិបាលរងស្រុក លោក លោកស្រី នាយករងរដ្ឋបាលស្រុក លោកស្រី ប្រធានការិយាល័យប្រជាពលរដ្ឋ មេបញ្ជាការកងកម្លាំងទាំងបី លោក លោកស្រី ប្រធានការិយាល័យ-អង្គភាពចំណុះរដ្ឋបាលស្រុក លោក ប្រធានការិយាល័យសុខាភិបាលស្រុកប្រតិបត្តិល្វាឯម លោក មេឃុំ ទឹកឃ្លាំង ថ្មគរ, ព្រែករៃ និងឃុំភូមិធំ។
ក្នុងពិធីជួបជុំនេះផងដែរ លោក កន សុខកាយ អភិបាលស្រុក បានចូលរួមឧបត្ថម្ភជូនដល់អ្នកគ្រូៗ ចូលនិវត្ត ៦នាក់ ព្រមទាំងអ្នកគ្រូៗ កំពុងបង្រៀន ១៨នាក់ សរុប ២៤នាក់ ម្នាក់ៗ សំពត់ហូលមួយ និងថវិកា ៥០,០០០៛ ស្មេីថវិកា ៣,៦០០,០០០៛, លោកគ្រូចូលនិវត្តន៍ចំនួន ២៤នាក់ ម្នាក់ៗ ក្រម៉ាមួយ និងថវិកា ៥០,០០០៛ ស្មេីថវិកា ១,៤៤០,០០០៛, ឧបត្ថម្ភក្នុងពិធី ថវិកា ៧,៤០០,០០០៛, និងភេសជ្ជៈ ៥០កេស, ក្រុមសិល្បៈសម្តែងរបស់វិទ្យាល័យ ថវិកា ៥០,០០០៛, ក្រុមសម្តែងល្ខោន្ធខោល ថវិកា ១,០០០,០០០៛ និងក្រុមសម្តែងក្បាច់គុនល្បុកត្តោ ថវិកា ៣,០០០,០០០៛ សរុបថវិកាទាំងអស់ចំនួន ១៦,៩៤០,០០០៛។
