ខេត្តមណ្ឌលគីរី ÷ គឃ្លើនមែនម្ចាស់ទីតាំងសង្វៀនល្បែងសុីសងជល់មាន់ និងអាប៉ោងខុសច្បាប់ខ្នាតធំ មួយកន្លែងនៅចំណុចខាងត្បូងភ្នំក្រោល ស្ថិតនៅក្នុងទឹកដី ឃុំសង្គមថ្មី ស្រុកកោះញែក ខេត្តមណ្ឌលគិរី កំពុងបើកលេងភ្នាល់{មាន់}ក្នុងមួយគូៗចាក់លុយចាញ់ឈ្នះ រាប់លានរៀល ទៅដល់រាប់ពាន់ ដុល្លារ ឯណោះ រីឯ{អាប៉ោង}ក៏ចាក់លុយធំៗផងដែរ ហើយនាំគ្នាស្រែកហ៊ោកញ្ជ្រៀវឮលាន់ឡើងរំពងនៅក្នុងវង់ល្បែងមួយនេះ រីឯអាជ្ញាធរនិងសមត្ថកិច្ចក្នុងមូលដ្ឋាន បាននាំគ្នារក្សាភាពស្ងៀមស្ងាត់ មិនហ៊ានធ្វើការបង្ក្រាប!ឬមួយជាឆ្នាំងបាយរបស់អស់លោក អាជ្ញាធរនិងសមត្ថកិច្ចមូលដ្ឋានទេដឹង?
ប្រភពព័ត៌មានច្បាស់ការណ៍បានឲ្យដឹងថា: ទីតាំងសង្វៀនល្បែងជល់មាន់ និងអាប៉ោងខុសច្បាប់ មួយកន្លែងស្ថិតក្នុងមូលដ្ឋានភូមិ ឃុំខាងលើ ប្រហែលម្ចាស់មានអំណាចធំហើយ បានបើកលេងនាំគ្នាស្រែកហ៊ោកញ្ជ្រៀវ យ៉ាងសប្បាយ ក្នុងនោះអាជ្ញាធរនិងសមត្ថកិច្ចពាក់ព័ន្ធនៅក្នុងមូលដ្ឋាន មិនហ៊ានធ្វើការទប់ស្កាត់ និងបង្ក្រាបឡើយ!ហ៊ានផ្គើននិងបទបញ្ជាស្តីពីការទប់ស្កាត់របស់ សម្តេចតេជោ ហ៊ុនសែន
ប្រភពដដែលបានបន្តទៀតថា: ករណីនេះជាបញ្ហាធ្វើឲ្យប្រជាពលរដ្ឋរស់នៅមានការព្រួយបារម្ភជាខ្លាំង អំពីបញ្ហាអសន្តិសុខ ខ្លាចកើតមាននូវអំពើចោរកម្ម និងបទល្មើសផ្សេងៗ ដូចជា ចោរលួច ចោរឆក់ និងចោរប្លន់ និងអំពើហិង្សា ក៏ដោយសារកើតចេញល្បែងខុសច្បាប់ទាំងអស់នេះ ជាដើម។
ទោះបីជាយ៉ាងក្តី មជ្ឈដ្ឋានអ្នកច្បាប់ ក៏ដូចជាមហាជនទូទៅ សូមស្នើយ៉ាងទទូចដល់ ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី ជាពិសេស ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី សូមមានវិធានការទប់ស្កាត់ និងបង្ក្រាប!ទីតាំងឍសង្វៀនល្បែងជល់មាន់ និងអាប៉ោងខុសច្បាប់ ខ្នាតធំ មួយកន្លែងកំពុងធ្វើសកម្មភាពបើកលេងនៅក្នុងភូមិសាស្ត្រខាងលើនេះផង។
សូមរំលឹកថា: កាលនៅថ្ងៃទី១៧ ខែកញ្ញា ឆ្នាំ២០២២-បានកន្លងផុតទៅថ្មីៗនេះ សម្តេចតេជោ ហ៊ុនសែន បានដាក់បទបញ្ជាឲ្យគណៈអភិបាលរាជធានី ទាំង២៥ ខេត្ត ក្រុង ដែលតម្រូវឲ្យបង្រ្កាប!ទីតាំងបនល្បែងស៊ីសងខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។
សម្តេចតេជោ ហ៊ុនសែន បានបញ្ជាក់យ៉ាងដាច់ណាត់ទៀតថា: បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ោក្នុងការទប់ស្កាត់ និងបង្ក្រាប!ទីតាំងល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនទេ!អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងបាត់បង់ពីតំណែងទៀតផង៕
