ភ្នំពេញ÷ ល្បែងស៊ីសង ខុស ច្បាប់ដែលប្រមុខរាជរដ្ឋាភិបាលហាមមិនឲមានក៏ដោយ ប៉ុន្តែហាក់ដូចជាមិនបានផលនិងយកចិត្តទុកដាក់បង្ក្រាបពីសំណាក់អាជ្ញាធរមានសមត្ថកិច្ចនៅខ័ណ្ឌឬស្សីកែវរាជធានីភ្នំពេញនោះឡើយ។ពលរដ្ឋរស់នៅមូលដ្ឋានស្ថិតនៅតាមបណ្ដោយផ្លូវបេតុងមួយកន្លែងក្នុងមូលដ្ឋានសង្កាត់ទូលសង្កែទី១ ខ័ណ្ឌឬស្សីកែវរាជធានីភ្នំពេញ នេះបានឱ្យដឹងថា ល្បែង ស៊ីសងតាមអ៊ីនធឺណិតមាន ដូចជាឆ្នោតឡូតូ មាន់ជល់តាមឡេបផបនិងល្បែងដ៏ទៃទៀត កំពុងរីកដុះ ដាល តាមលំនៅដ្ឋានរបស់ប្រជាពលរដ្ឋជា ច្រើនកន្លែងដោយមិនឃើញមានការបង្ក្រាបសោះ ពីសំណាក់មន្ត្រីនគរបាលប៉ុស្តិ៍ និងអធិការដ្ឋាននគរបាលខ័ណ្ឌនោះឡើយ។ ភាពស្ងៀមស្ងាត់របស់សមត្ថកិច្ចដែលបណ្ដែតបណ្ដោយឲ្យមានទីតាំងល្បែងអ៊ីនធឺណិតទាំងនេះ បានធ្វើឲ្យប្រជាពលរដ្ឋមានសង្ស័យយ៉ាងខ្លាំង ប្រភពខ្លះថា លោកមេប៉ុស្តិ៍ និងលោក អធិការនគរបាលខ័ណ្ឌឬស្សីកែវបែបត្រូវថ្មាំហើយ ទើបហាក់ដូចជារក្សាភាពស្ងៀមស្ងាត់ចំពោះបញ្ហាល្បែងទាំងនេះ។ ប្រជាពលរដ្ឋដែលរស់នៅក្បែរកន្លែងបើកលែងនោះ បានស្នើសុំទៅលោក ជិន ប៊ុនធឿន អភិបាលនៃគណៈអភិបាលខ័ណ្ឌឬស្សីកែវនិង ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ មេត្តាចាត់មន្ត្រីជំនាញពាក់ព័ន្ធចពិនិត្យ និងបង្រ្កាបផង ព្រោះបើបណ្ដែតបណ្ដោយបែបនេះ តើឯណាទៅ ភូមិឃុំមានសុវត្តិភាពនោះ។
អ្នកភូមិប្រាប់ថា សព្វថ្ងៃប្រជាពលរដ្ឋកំពុងតែវក់វីនឹងបញ្ហាល្បែងស៊ីសងតាមអ៊ីនធឺណិតដូចជា ជល់មាន់តាមអនឡាញនិងឆ្នោតឡូតូជាដើម។ ប្រជាពលរដ្ឋវក់នឹងល្បែង ហើយភ្លេចការងារប្រចាំថ្ងៃ ជាពិសេសបានបំផ្លិចបំផ្លាញលុយកាក់ទ្រព្យ សម្បត្តិអស់ជាបន្តបន្ទាប់។ នៅ ក្នុងភូមិមានទីតាំងល្បែង ស៊ីសងតាមអ៊ីនធឺណិតជា ច្រើនកន្លែង ដែលក្រុមហ៊ុនបានដាក់ពង្រាយដើម្បីបង្កលក្ខណៈងាយស្រួលដល់ប្រជាពលរដ្ឋ ចូលចិត្តលេង ល្បែងស៊ីសងទាំង នោះ។ អាជ្ញាធរមិនអាចនិយាយថា មិនដឹងនោះទេ ពីព្រោះប្រជាពលរដ្ឋតែងតែជួបជុំគ្នាច្រើន នៅតាមទីតាំងដែលមានល្បែងស៊ីសងទាំងនោះ។បើតាមប្រជាពលរដ្ឋដែលមាន ប្ដីសី,កូន,ចៅ រងគ្រោះពីកំពុងល្បែងស៊ីសងតាមអ៊ីនធឺណិតទាំងនោះនិយាយថា សព្វថ្ងៃនេះល្បែងស៊ីសងនៅក្នុងមូលដ្ឋានរបស់គាត់បានបើកជាចំហប្រៀបដូចជាល្បែង ស៊ីសងស្របច្បាប់យ៉ាងដូច្នោះដែរ។ គ្មានការបង្ក្រាប ឬវិធានការតឹងតែងចំពោះទីតាំងបើកល្បែងស៊ី សងតាមអ៊ីនធឺណិតទាំងនេះទេ។ អ្នកភូមិបានត្រឹមតែសម្ដែងចម្ងល់ចំពោះបញ្ហាល្បែងស៊ី សងនៅក្នុងមូលដ្ឋានរបស់ពួកគាត់ កាន់តែច្រើនឡើងៗ ហើយអ្វីដែលចោទជាបញ្ហានោះគឺករណីចោរលួច,ចោរ ប្លន់ទ្រព្យសម្បត្តិ និងអំពើហិង្សានៅក្នុងគ្រួសារចេះតែកើនឡើង។
