នៅព្រឹកថ្ងៃចន្ទ ៩ រោច ខែភទ្របទ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី ១៩ ខែកញ្ញា ឆ្នាំ២០២២ លោក កន សុខកាយ អភិបាល នៃគណៈអភិបាលស្រុកល្វាឯម លោក សែម សោត្ថី ប្រធានក្រុមប្រឹក្សាស្រុក លោកអភិបាលរង លោកនាយក-នាយករងរដ្ឋបាលស្រុក មេបញ្ជាការអធិការដ្ឋានស្រុក ក្រុមប្រឹក្សាឃុំកោះរះ ក្រុមប្រឹក្សាឃុំពាមឧកញ៉ាអុង ព្រមទាំងមន្ត្រីរាជការចំណុះរដ្ឋបាលស្រុក បានអញ្ជើញចូលរួមពិធីបុណ្យកាន់បិណ្ឌទី៩ នៅវត្តបទុមចេតីយ៍ ស្ថិតនៅឃុំកោះរះ និងវត្តពោធិ៍មាស ស្ថិតនៅឃុំពាមឧកញ៉ាអុង ស្រុកល្វាឯម ខេត្តកណ្តាល។
+ក្នុងនោះដែរលោកអភិបាលស្រុក បាននាំយកទ័យទានប្រគេនទាំងពីរវត្ត ក្នុងមួយវត្តប្រគេននូវ អង្ករ ២បាវ មី ១កេសធំ ភេសជ្ជៈ ៥កេស ទឹកសុទ្ធ ៥កេស ទឹកដោះគោ ១០កំប៉ុង ធូប ១ដុំ ទាន ១ដុំ ស្ករស ១គីឡូក្រាម សាដក់ ២ បង្អែម ៥ចាន និងប្រគេនបច្ច័យដល់ព្រះសង្ឃរួមមាន ព្រះគ្រូចៅអធិការ ២ អង្គ ២០ម៉ឺនរៀល និងព្រះសង្ឃអង្គតូច ១៤ អង្គ ក្នុង ១អង្គ ៥០,០០០ រៀល ព្រមទាំងបច្ច័យកសាងទាំងពីរវត្តសរុប ៦,៦២០,០០០ រៀល និងជូនបច្ច័យដល់តាជី យាយជីប្រមាណ ១៥០នាក់ ក្នុងម្នាក់ៗ ១ម៉ឺនរៀល។ បន្ថែមពីនោះលោកអភិបាលស្រុកក៏ចូលរួមកសាងឧបដ្ឋានសាលា និងការកសាងបល្ល័ងព្រះវត្តបទុមចេតីយ៍ចំនួន ៣០០ការ៉េ ស្មើនឹង ៦០លានរៀន ព្រមទាំងចូលរួមកសាងព្រះពុទ្ធបដិមាស្ព័ន ៥០០គីឡូក្រាម ស្មើនឹង ៣០លានរៀលផងដែរ៕
