មេឃុំនិងពលរដ្ឋអ្នកសង្កេតកាណ៍ ក្នុងខេត្តកំពតស្នើដល់ឯកឧត្តមអភិសន្តិបណ្ឌិត ស សុខារដ្ឋមន្រ្តីក្រសួងមហាផ្ទៃ ឯកឧត្តម ម៉ៅ ធនិនអភិបាលនៃគណៈអភិបាលខេត្ត និងអង្គភាពប្រឆាំងអំពើពុករលួយបើកការស៊ើបអង្កេតនូវភាពមិនប្រក្រតីចំពោះដំណើរការលទ្ធកម្មមូលនិធិឃុំសង្កាត់ឆ្នាំ២០២៤ក្នុងខេត្តកំពត
ចេញផ្សាយថ្ងៃទី 09/05/2024
ខេត្តកំពត: តាមលទ្ធផលនៃការសម្ភាសន៍ព័ត៌មានចំនួន៦២ឃុំនិង៤សង្កាត់អង្គភាពការសែតអភិវឌ្ឍន៍ និងគេហទំព័រ www.ap-news.net បានរកឃើញនូវរបកគំហើញមួយចំនួនក្នុងការប្រើប្រាស់ឥទ្ធពលអំណាចរបស់បុគ្គលឈ្មោះ ថឹង មិនានាយកទីចាត់ការនិងផែនការវិនិយោគខេត្តកំពតទៅលើដំណើរការកិច្ចលទ្ធកម្មរបស់មូលនិធិឃុំ សង្កាត់ ក្នុងឆ្នាំ២០២៤នេះ។
ជាលទ្ធផលនៃការសម្ភាសន៍មេឃុំនិងចៅសង្កាត់បានលើកឡើងថា ការអនុវត្តគម្រោងឆ្នាំ២០២៣ និងឆ្នាំ ២០២៤ខុសពីឆ្នាំ២០២២កន្លងមក ចំណុចខុសទាំងនោះពូកគាត់និយាយថា៖ កាលពីឆ្នាំ ២០២២ឃុំមានសិទ្ធិប្រកាស់ដាក់សំណើរដេញថ្លៃបិតប្រកាស់នៅសាលាឃុំរយៈពេល១៤ថ្ងៃ និងធ្វើការប្រកាស់ទៅតាមគេហទំព័រ គជអប របស់ក្រសួងមហាផ្ទៃ ជាហេតុនាំអោយមានក្រុមហ៊ុនមកពីបណ្តារាជធានីខេត្តជាច្រើន បានមានឪកាស់ស្មើៗគ្នា ក្រុមហ៊ុនបានចូលរួមដាក់សំណើរដេញថ្លៃនៅក្នុងសាលាឃុំ មានក្រុមហ៊ុនជាច្រើនបានដាក់សំណើរ និងមានតម្លៃចុះតាមលទ្ធភាពជាក់ស្តែងរបស់ក្រុមហ៊ុននីមួយៗនិងមានប្រជាពលរដ្ឋ អ្នកសារព័ត៌មានជាច្រើនបានចូលរួមសង្កេតការណ៍។ ប៉ុន្តែចាប់ពីឆ្នាំ២០២៣ និងក្នុងឆ្នាំ២០២៤នេះ ការអនុវត្តន៍គម្រោងមូលនិធិឃុំសង្កាត់ត្រូវធ្វើតាមបទបញ្ជាពីថ្នាក់លើ ក្រុមហ៊ុនដែលបានចុះបញ្ជីជាអ្នកទទួលការទាំង១៥ក្នុងខេត្តកំពតជាការរៀបចំរបស់នាយកទីចាត់ការផែនការនិងវិនិយោគ ដោយបដិសេធចោលក្រុមហ៊ុនដែលមានសមត្ថភាពអនុវត្តន៍គម្រោងនិងធ្វើការប្រកួតប្រជែងដោយស្មើភាព ត្រូវបានគេទម្លាក់ចោលទាំងអយុត្តិធម៌ ជាហេតុនាំអោយមាន១៨ក្រុមហ៊ុនដាក់ ពាក្យស្នើសុំធ្វើការតវ៉ាទៅក្រសួងមហាផ្ទៃ ទាមទាររកយុត្តិធម៌និងស្នើអោយមានឈ្មោះជាអ្នកទទួលការក្នុងឆ្នាំ២០២៤ឡើងវិញ។
តាមរយៈការផ្តល់បទសម្ភាសន៍មេឃុំចៅសង្កាត់ ពួកគាត់មានការខ្លាចរអារពីឥទ្ធិពលថ្នាក់លើ ដែលត្រូវបានក្រុមហ៊ុនអ្នកទទួលការចុះឈ្មោះក្នុងខេត្តកំពត បានយកសំណើរបីៗក្រុមហ៊ុនកាន់នាំយកតែមនុស្សម្នាក់ទៅ ទុកនៅតាមសាលាឃុំនិមួយៗ និងបានប្រាប់មេឃុំអោយទទួលយកសំណើរគម្រោងដាក់អោយដេញថ្លៃទុកសិន ឃុំខ្លះបានទទួលយកទុក និងឃុំខ្លះបានបដិសេធ។ បដិសេធដោយពួកគាត់មិនទាន់បានធ្វើការប្រកាស់ដាក់សំណើរដេញថ្លៃនៅឡើយទេ។ ចំពោះឃុំមិនព្រមទទួលយកសំណើរដែលក្រុមហ៊ុនអ្នកទទួលការយកទៅទុកនោះ អ្នកទទួលការបានបញ្ជាអោយឃុំទួរស័ព្ទទៅថ្នាក់លើ។
តាមរយៈការផ្តល់បទសម្ភាសន៍របស់មេឃុំពួកគាត់ខ្លះក៏មានសេចក្តីក្លាហានហ៊ានតវ៉ានិងបដិសេធមិនទទួលសំណើររបស់ក្រុមហ៊ុនអ្នកទទួលការដោយការបង្ខិតបង្ខំ ក៏ប៉ុន្តែក្រុមហ៊ុនទាំងនោះយកសំណើរដែលឃុំបានបដិសេធទៅ ទុកអោយស្មៀនទៅវិញ។
មេឃុំខ្លះនៅក្នុងស្រុកបន្ទាយមាស ស្រុកអង្គជ័យ ស្រុកកំពង់ត្រាច បានផ្តល់បទសម្ភាសន៍ថា៖ សសាលាស្រុក កោះហៅទៅប្រជុំមិនបានប្រាប់ពីបប្រធានបទជាមុននោះទេពេលទៅដល់ក្នុងអង្គប្រជុំ ទើបត្រូវបានក្រុម ការងារស្រុករៀបចំសំណើរក្រុមហ៊ុនបីៗច្បាប់ដាក់អអោយឃុំនីមួយៗ រួចជាស្រេចដើម្បីបើកសំណើរទទួលយកក្រុមហ៊ុនដែលគេបានរៀបចំទុកជាមុន។ បើឃុំមិនព្រមបើកសំណើរតាមការរៀបចំរបស់សាលាស្រុកទាំងនោះទេ ពួកគាត់ត្រូវ មកធ្វើការបើកសំណើរមួយឃុំម្តង ឬក៏ពីឃុំម្តង ទៅតាមឪកាសនិងពេលវេលាជាក់ស្តែងក្រោយៗទៀត។
ក្រុមហ៊ុនអ្នកទទួលការដែលបានចុះបញ្ជីក្នុងខេត្តកំពតដែលលេចធ្លោក្នុងបទសម្ភាសន៍ដែលបណ្តាឃុំនីមួយៗតែងតែចងចាំមិនភ្លេចនិងយកឥទ្ធិពលថ្នាក់លើមកប្រើប្រាស់និងទទួលបានគម្រោងសម្រាប់អនុវត្ត៍ក្នុងឆ្នាំ២០២៤នេះ រួមមាន ក្រុមហ៊ុន យី តេងលី ក្រុមហ៊ុន អាន់លីណា ក្រុមហ៊ុន ហេង បូរី ក្រុមហ៊ុនសំណង់សុភាព ក្រុមហ៊ុន ហេង ជីវ ក្រុមហ៊ុន យីសែប ក្រុមហ៊ុន ងឹម ពេជចិន្តា ក្រុមហ៊ុន កែ វ៉ាង ក្នុងចំណោមក្រុមហ៊ុនអ្នកទទួលការទាំងនេះ ក្រុមហ៊ុន យី តេងលី ដែលមានលោក យី តេងលីជាប្រធានបានប្រើប្រាស់ឥទ្ធិពលថ្នាក់លើដើម្បីអោយឃុំទទួលយកសំណើរដែលរូបគាត់បានយកមកដាក់នៅសាលាឃុំ។
ថ្នាក់លើដែលក្រុមហ៊ុនបានយកមកប្រើប្រាស់ដើម្បីផលប្រយោជន៍របស់ខ្លួន បើតាមការបញ្ជាក់អះអាងរបស់មេឃុំបានអោយដឹងថា គឺលោក ថឹង មិនា នាយកទីចាត់ការ និងផែនការវិនិយោគខេត្តកំពត និងនាយករដ្ឋាបាលខេត្ត។
អង្គភាពរបស់យើងក៍បានចូលរួមសង្កេតការក្នុងដំណើរការដាក់អោយដេញថ្លៃជាសាធរណៈមានឃុំមួយចំនួនដូចជា ៖ សាលាឃុំបឹងសាលាខាងត្បួង សាលាឃុំសត្វពង សាលាឃុំក្រាំងស្បូវ សាលាឃុំត្នោតចុងស្រង់ សាលាឃុំបន្ទាយមាសខាងលិច សាលាឃុំវត្តអង្គខាងជើង និងសាលាឃុំទូកកមាសខាងកើត។
សាលាឃុំបឹងសាលាខាងត្បួង ស្ថិតនៅក្នុងស្រុកកំពង់ត្រាច បានលើកពេលបើកសំណើរដេញថ្លៃ ដោយមូលហេតុមេឃុំនិងស្មៀនចូលប្រជុំជាមួយសាលាស្រុកកកំពង់ត្រាចនៅព្រឹកថ្ងៃទី២៦ខែមិនាឆ្នាំ២០២៤។
សាលាឃុំដែលមានការប្រកាស់ដេញថ្លៃ ជាសាធារណៈ តាមប្រព័ន្ធគជអប យើងសង្កេតឃើញថាមានប្រជាពលរដ្ឋនិងអ្នកសារព័ត៌មានបានចូលរួមសង្កេតការណ៍យ៉ាងយកចិត្តទុកជាលទ្ធផល នៅសាលាឃុំត្នោតចុងស្រង់ ស្ថិតនៅក្នុងស្រុកបន្ទាយមាសបានបង្ហាញអោយឃើញលទ្ធផលដូចខាងក្រោម៖ ឃុំបានសិក្សា ២ គម្រោង ទីមួយប្រឡាយ ១៩០០ម៉ែត្រ និងគម្រោងទី២ផ្លូវក្រាលក្រួសក្រហមប្រវែង៧គីឡូម៉ែត្រ បានដេញប្រកាស់ដេញថ្លៃសាធារណៈក្នុងគេហទំព័រគជអបរបស់ក្រសួងមហាផ្ទៃ និងប្រកាស់ទទួលនិងបើកសំណើរនៅសាលាស្រុកបន្ទាយមាសព្រឹកថ្ងៃទី២០ ខែមិនា ឆ្នាំ២០២៤ ជាលទ្ធផល គម្រោងប្រឡាយត្រូវបានបើកសំណើរមានក្រុមហ៊ុន ចំនួន៦បានចូលរួមដាក់សំណើរដេញថ្លៃ ក្រុមហ៊ុនទាំងនោះរួមមាន៖
១. ក្រុម ហ៊ុន ងឹម ពេជចិន្តា តម្លៃដេញដេញថ្លៃ មានចំនួន១០៥លានរៀលគត់
២. ក្រុមហ៊ុន ចិត្ត ភក្តី តម្លៃដេញថ្លៃ មានចំនួន ៤៣លាន រៀលគត់
៣. ក្រុមហ៊ុន យី តេង លី តម្លៃដេញថ្លៃ មានចំនួន ៩លានរៀលគត់
៤. ក្រុមហ៊ុន ញឹម ស៊ង តម្លៃដេញថ្លៃមានចំនួន ៥៣លាន រៀលគត់
៥. ក្រុមហ៊ុន ហេង សុផុនអភិវឌ្ឍន៍ តម្លៃដេញថ្លៃមានចំនួន៣៩លានរៀលគត់
៦. ក្រុមហ៊ុន រុន ស្រីហ៊ុច តម្លៃដេញថ្លៃ មានចំនួន ១៧លាន២៥០ពាន់រៀលគត់គណៈកម្មការលទ្ធកម្មបានឯកភាពសម្រេចយកក្រុមហ៊ុន យី តេងលីមានតម្លៃ ទាបជាងគេមានសុពលភាព។លទ្ធផលនេះ បបង្ហាញពីការចូលរួមសង្កេតការណ៍របស់ប្រជាពលរដ្ឋក្នុងមូលដ្ឋានប្រកបដោយតម្លាភាព។
តាមសេចក្តីរាយការណ៍របស់មេឃុំបានចូលរួមការប្រជុំសុំលក្ខខណ្ឌមិនបញ្ចេញឈ្មោះបាននិយាយថា: កាល ពីព្រឹកថ្ងៃទី២៦ខែមិនាឆ្នាំ២០២៤ នៅក្នុងសាលាស្រុកកំពង់ត្រាចដែលមានការចូលរួមឃុំទាំង ១៤ដែលចំណុះក្នុងស្រុក នាយកទីចាត់ការ និងផែន ការវិនិយោគខេត្តបានប្រកាស់អោយអនុវត្តគម្រោងក្នុងខេត្តកំពតអោយហើយមុនបំណាច់ ខែ៥នាពេលខាង មុខនេះ។ ដើម្បីអនុវត្តន៍តាមផែនការដែលបានដាក់ចេញ មិនអនុញ្ញាតអោយក្រុមហ៊ុនក្រៅពីខេត្តកំពតចូលមកអនុវត្តគម្រោងក្នុងខេត្តឡើយ។
ក្រោយពេល លោក នាយកទីចាត់ការនិងផែនការវិនិយាគខេត្តបានដាក់ចេញនូវបទបញ្ជាខាងលើជាលទ្ធផលឃុំមួយចំនួនបានទទួលរងសម្ពោធដោយសារក្រុមហ៊ុនអ្នកទទួលការយកសំណើរទៅដាក់អោយឃុំដោយឃុំមិនទាន់បានរៀបចំសំណើរដាក់អោយដំណើរការដេញថ្លៃនៅឡើយ។
លោកមេឃុំកណ្តោលស្ថិតនៅក្នុងស្រុកទឹកឈូបានទទួលសំណើរអនុវត្តន៍គម្រោងចំនួន៣ក្រុមហ៊ុនដោយបុគ្គលម្នាក់ជាអ្នកយកប្រគល់ជូនទុកក្នុងសាលាឃុំកាលពីថ្ងៃទី០៤ខែមិនាឆ្នាំ២០២៤។ មេឃុំបាននិយាយថាលោកមានការស្រឡាំងកាំងពេលឃើញមានសំណើរ៣ នាំយកមកដាក់តែមនុស្សម្នាក់ខណៈពេលដែលឃុំពុំទាន់បានបង្កើតគណៈកម្មការលទ្ធកម្មនិងធ្វើការប្រកាស់ដាក់សំណើរដេញថ្លៃនៅឡើយ។
លោកមេឃុំម្នាក់ទៀតដែលសុំលក្ខខណ្ឌមិនបញ្ចេញឈ្មោះព្រោះព្រួយបារម្មណ៍ពីសុវត្ថិភាពផ្ទាល់ខ្លួន ស្ថិត នៅក្នុងស្រុកទឹកឈូបាននិយាយថា៖ នៅរសៀលថ្ងៃ ទី២៨ ខែមិនា ឆ្នាំ២០២៤ លោកក៍ត្រូវបានបុគ្គលម្នាក់កាន់សំណើរក្រុមហ៊ុន ចំនួនមួយដុំមកប្រគល់ជូនលោក ខណៈពេលដែលលោកកំពង់ចុះមើលស្ថានភាពក្នុងភូមិមួយ ស្ថិតនៅឯជើងភ្នំ លោកបានបដិសេធមិនទទួលយកដោយលោកបានបញ្ជាក់ថា៖ លោកមិនទាន់បានបង្កើតគណៈកម្មការលទ្ធកម្មនិងប្រកាស់ដាក់ដំណើរការដេញថ្លៃនៅឡើយទេ។
លោកមេឃុំ បានបន្តថា៖ បុគ្គលដែលយកឯកសារ ដេញថ្លៃ មកអោយគាត់បញ្ជាក់ថា ពួកគេជាក្រុមហ៊ុនអន្តរាគមន៍ពិសេសរបស់សាលាខេត្ត រួចហើយគេអោយគាត់(មេឃុំទូរស័ព្ទទៅអភិបាលស្រុកទឹកឈូ) លោកបញ្ជាក់ថា៖ ភ្លាមនោះលោកបានខលចូល តែគ្មានអ្នកទទួល។
នៅព្រឹកថ្ងៃទី២៩ ខែមីនា ឆ្នាំ២០២៤ មេឃុំ បានជួបអភិបាលស្រុកទឹកឈូដើម្បីសាកសួរពីការមិនព្រមទទួលយកសំណើររបស់ក្រុមហ៊ុន។ លោកមេឃុំបានឆ្លើយតបថា មូលហេតុដោយសារឃុំមិនទាន់បានបង្កើតគណៈកម្មការលទ្ធកម្ម និងធ្វើការប្រកាស់ដាក់ អោយដំណើរការដេញថ្លៃជាសាធារណៈនៅ ឡើយ ។ លោកអភិបាលស្រុកបាននិយាយប្រាប់គាត់ថា ក្នុងខេត្តកំពតចំនួន៩៣ឃុំគេធ្វើអញ្ចឹងទាំង អស់គ្នាទៅហើយហេតុអ្វីគាត់មិនធ្វើតាមគេ។ លោកមេឃុំបានឆ្លើយតបថា ប្រសិនបើមានសេចក្តីប្រកាស់របស់ឯកឧត្តមអភិបាលខេត្តអនុញ្ញាតអោយអនុវត្តគម្រោងនៅក្នុងឃុំរបស់គាត់ ដោយមិនមានដំណើរការដាក់ អោយដេញថ្លៃជាសាធារណៈ គាត់យល់ព្រមទទួល យកសំណើរ។ លោកអភិបាលស្រុកទឹកឈូបានសង្កត់ ធ្ងន់ថា តើលោកហ៊ានប្រឈមមុខជាមួយអភិបាលខេត្តទេ។
លោកមេឃុំបានឆ្លើយតបថាពេលដល់ដំណាក់ កាលនោះគាត់ហ៊ានប្រឈមមុខ។
មេឃុំត្រពាំងព្រីងស្ថិតនៅក្នុងស្រុកទឹកឈូក៍បានបដិសេធនូវសំណើរដេញថ្លៃដែលក្រុមហ៊ុនចំនួន៣ មានបុគ្គលម្នាក់កាន់យកមកប្រគល់ជូនមេឃុំដើម្បីអនុវត្តន៍គម្រោងឆ្នាំ២០២៤ផងដែរ។
ស្រដៀងគ្នានេះដែរនៅសាលាឃុំច្រេសស្ថិតនៅក្នុងស្រុកជុំគីរីខេត្តកំពតក៏មាន មនុស្សម្នាក់យកឯសារប្រកាស់ដាក់អោយដេញថ្លៃ និងឯកសារសំណើរ ដេញថ្លៃរបស់ក្រុមហ៊ុនមកដាក់ជូនលោកមេឃុំនៅក្នុងសាលា ឃុំកាលពីថ្ងៃទី២៧ ខែមិនា និងបិទប្រកាស់ សេចក្តីជូនដំណឹងនៅសាលាឃុំនិងអោយគាត់បើកសំណើរដេញថ្លៃ នៅរសៀលថ្ងៃទី២៩ ខែមិនា ខណៈពេល ដែលពួកគាត់មិនទាន់បានបង្កើតគណៈកម្មលទ្ធកម្មនៅឡើយ។ លោកមេឃុំបានបញ្ជាក់ថា៖ លោកបានបដិសេធមិនបើកសំណើរនិងលើកពេលទៅថ្ងៃក្រោយ។បច្ចុប្បន្នឃុំនេះ បានចុះកិច្ចសន្យារួចហើយ។
នៅក្នុងកិច្ចប្រជុំកាលពី ព្រឹកថ្ងៃទី១០ ខែមេសា ឆ្នាំ២០២៤នៅក្នុងសាលាស្រុកទឹកឈូ ដែលមានគណៈអធិបតី៖ លោក ថឹង មិនា នាយកទីចាត់ការនិងផែនការវិនិយោគខេត្តកំពត និងលោក អភិបាលស្រុកទឹកឈូ លោក អ៊ឹម ច័ន្ទសោធុន សមាសភាពចូលរួមមេឃុំនិងស្មៀនឃុំទាំង១៣ក្នុងស្រុកទឹកឈូ។
នៅក្នុងកិច្ចប្រជុំនេះគណធិបតីទាំងពីរខាងលើបាននិយាយថា៖ ដោយមានការចង្អុលបង្ហាញពីថ្នាក់ដឹកនាំខេត្ត សម្របសម្រួលនៃការដេញថ្លៃ ផ្តោតលើ ដំណើរ ការអភិវឌ្ឍន៍ផ្លូវនៅក្នុងឃុំនិមួយៗនៅក្នុងស្រុកទឹកឈូ និងជំរុញអោយមេឃុំនិមួយៗឯកភាពទទួលយកក្រុម ហ៊ុនទាំង១៥ដែលមានឈ្មោះចុះបញ្ជីក្នុងសាលាខេត្តកំពត ដោយមិនចាំបាច់ឆ្លងកាត់ការផ្សព្វផ្សាយដំណើរ ការដេញថ្លៃជាសាធារណៈ នោះទេ និងការដេញថ្លៃដែលមានការសម្របសម្រួល។
គណៈអធិបតីទាំងពីខាងលើបានសង្កត់ធ្ងន់ថា ដោយ យោងទៅតាមការបោះឆ្នោតដែលទទួលបានលទ្ធផល កន្លងមកដោយសារក្រុមហ៊ុនក្នុងស្រុកបានធ្វើការអភិវឌ្ឍន៍បានទាន់ពេលវេលាស្របតាមតម្រូវការរបស់ប្រជាពលរដ្ឋក្នុងមូលដ្ឋាននិងក្រុមហ៊ុនទាំងនោះបាន ជួយដល់ខេត្តយ៉ាងច្រើនផងដែរ។ ក្នុងកិច្ចប្រជុំនេះតម្រូវអោយឃុំនិមួយៗទទួលយកក្រុមហ៊ុនដែលមេខេត្តដាក់អោយធ្វើការអភិវឌ្ឍន៍ក្នុងឃុំ។
ការលើកឡើងខាងលើនេះបណ្តាលអោយមានសំណួរចោទសួរជាច្រើនពីសំណាក់មេឃុំនិមួយៗដែលបានចូលក្នុងក្តីព្រួយបារម្មណ៍ដូចខាងក្រោម៖
បើដេញថ្លៃមិនប្រកាស់ជាសាធាររណៈតើអ្នកណាជាអ្នកទទួលខុសត្រូវ? ចុះបើសិនក្រុមហ៊ុនផ្សេងៗគេប្តឹងដោយសារយើងអត់ដេញថ្លៃ ជាសាធារណៈ និង ACUស៊ើបអង្កេតតើពួកខ្ញុំធ្វើយ៉ាងមិច?(នេះជាការលើកឡើងរបស់មេឃុំដែលបានចូលរួម)
ធានាការទទួលខុសត្រូវដោយអភិបាលស្រុកទឹកឈូ និងលោក នាយកទីចាត់ការផែនការនិងវិនិយោគខេត្ត។
ធានាមិនអោយមានរឿងអីកើតឡើងទេ ពួកយើងច្រើនណាស់ម៉ាឃុំពីរៗនាក់ចំនួន៩៣ឃុំ រកគុកដាក់អត់អស់ទេ។
លោកអភិបាលស្រុកបាននិយាយថា មេមិនធ្វើអោយកូនចៅពិបាកទេ ។
អភិបាលស្រុកនិយាយថា មិនដែលមេណាធ្វើអោយកូនចៅរងទុក្ខទេគឺមេជួយសម្រួលហើយ មេទទួលខុសត្រូវហើយបើមិចៗក៏មានគាត់ទៅជាមួយដែរ មេខេត្តជាអ្នករៀបចំចឹង។
ACUគ្មានសិទ្ធិអីមកស៊ើបអង្កេតយកលុយមកធ្វើផ្លូវហើយបានផ្លូវទេ បើយើងយកលុយមកចាយអត់បាន ផ្លូវបានគេស៊ើបអង្កេត(នាយកទីចាត់ការនិយាយ)។
អត់ទេមិនមានរឿងណឹងកើតឡើងទេ គឺមេជាអ្នក ទទួលខុសត្រូវ អភិបាលស្រុកនិយាយថា មានគាត់នៅណឹងដែរមិនអីទេ។
ពាក់ព័ន្ធបញ្ហាខាងលើនេះ លោក អ៊ឹម ច័ន្ទសោធុន អភិបាលនៃ គណៈអភិបាលស្រុកទឹកឈូបានបដិសេធទាំងស្រុងចំពោះការលើកឡើងខាងលើ លោកបញ្ជាក់ថា រដ្ឋបាលស្រុកណែនាំអោយគ្រប់អនុវត្តន៍កិច្ចលទ្ធ កម្មស្របតាមនីតិវិធីជាធរមាន ហើយពុំបានអញ្ចើញមេឃុំ ស្មៀនឃុំដាក់សម្ពាធនិងបញ្ចុះបញ្ចូល លើសំណើរដេញថ្លៃដែរ។
លោក បញ្ជាក់ថា ការលើកឡើងខាងលើនេះជារឿងមិនពិតផ្ទុយនិងច្បាប់ការអនុវត្តន៍ខុសនីតិវិធីត្រូវទទួល តាមវិធានការរដ្ឋបាលនិងទោសទណ្ឌនានា វាជារឿងមិនត្រឹមត្រូវនិងប្រាស់ចាកពីការពិត និងស្នើសុំប្រភពព័ត៌មានដើម្បីអនុវត្តន៍តាមនីតិវិធីច្បាប់។
មិនអាចស្នើសុំប្រតិកម្មពីលោក ថឹង មិនានាយកទីចាត់ ការនិងផែនការវិនិយាគខេត្តកំពតបានទេពាក់ព័ន្ធបញ្ហាខាងលើនេះ ដោយខលចូលជាច្រើនលើក គ្មានអ្នកទទួល ប្រព័ន្ធតេលេក្រាមក៏មិនដំណើរការ តាមប្រព័ន្ធ Messages ក៏លោកមិនឆ្លើយតប។
ការលើកទឹកចិត្តរបស់ថ្នាក់ដឹកនាំខាងលើត្រូវបានឃុំជាច្រើននៅទូរទាំងខេត្តបានសម្រេចទទួលនិងបើកសំណើររបស់ក្រុមហ៊ុនដែលបានយកមកទុកអំឡុងពេលកន្លងមក ស្រុកទឹកឈូមានមាន១៣ឃុំទទួលនិងបើកសំណើរចំនួន១០ឃុំដោយមិនបានប្រកាស់ដេញថ្លៃ ស្រុកជុំគីរី៧ឃុំបានបើកសំណើរដេញថ្លៃ ថ្ងៃទី២៩ខែមេសាឆ្នាំ២០២៤ នៅសាលាស្រុក។
លោក អ៊ុក កែវ មេឃុំនរាយណ៍ ស្រុកឈូក ខេត្តកំពត បានមានប្រសាសន៍ថា៖ ឃុំបានសិក្សាផ្លូវក្រួសក្រហមប្រវែង ៣៣០០ម៉ែត្រ មានតម្លៃ ប៉ាន់ស្មាន ១៧០លានរៀល។ ឃុំបានបើកសំណើរដេញថ្លៃថ្ងៃទី១១/០៤/២៤ក្រុមហ៊ុនដែលទទួលបានគម្រោងគឺក្រុមហ៊ុន ងឹម ពេជចិន្តា ដែលមានតម្លៃរហូត ដល់ ៣២៥លានរៀល លើសតម្លៃប៉ាន់ស្មាន។ លោកមេឃុំបានបញ្ជាក់ថាប្រាក់ដែលឃុំទទួលបានក្នុងឆ្នាំ២០២៤ ទាំងប្រាក់រដ្ឋបាល និងប្រាក់សំរាប់អភិវឌ្ឍន៍សរុបមានចំនួន ៣១៧លានរៀល។ ប៉ុន្តែក្រុហ៊ុនដេញយកប្រាក់លើសពីប្រាក់ដែលមានទាំងប្រាក់រដ្ឋបាលនិងប្រាក់សំរាប់អភិវឌ្ឍន៍។ ជាលទ្ធផលបានមកពីការមិនប្រកាស់ដាក់អោយដេញថ្លៃ ជាសាធារណៈនិងក្រុមហ៊ុនបានយកសំណើរបីក្រុមហ៊ុនទៅដាក់នៅសាលាឃុំ។មានភាពមិនប្រក្រតីជាច្រើនទៀតដែលអង្គភាពយើងបានរកឃើញនៅតាមបណ្តាឃុំនីមួយៗ។
តាមរយៈបទសម្ភាសន៍មេឃុំមួយចំនួនក្ក្នុងស្រុកជំុគីរីពួកគាត់បានលើកឡើងថា៖ លោក ហេង ងួនស្រ៊ុនអភិបាលរងស្រុកជុំគីរីទទួលបន្ទុកដោះស្រាយផលប៉ះពាល់ បាននាំយកសំណើររបស់ក្រុមហ៊ុនចំនួនបីច្បាប់ដើរដាក់តាមបណ្តាឃុំទាំង៧ចាប់ពីថ្ងៃទី១៨ខែមេសាឆ្នាំ២០២៤ និងត្រូវបានកោះហៅមេឃុំនិងស្មៀនចូលរួមប្រជុំចុះកិច្ចសន្យារបស់ក្រុមហ៊ុនដែលលោក ហេង ងួនស្រ៊ុនបានទៅដាក់តាមបណ្តាឃុំ នៅព្រឹកថ្ងៃទី២៩ ខែមេសាឆ្នាំ២០២៤។
លោកស្រី គឹម សុធារី អភិបាលនៃ គណៈអភិបាលស្រុកជុំគីរីបានមានប្រសាសន៍ថា៖ លោកហេង ងួនស្រ៊ុន មានទំនាក់ទំនងជាមួយថ្នាក់ខេត្ត គាត់គ្រាន់តែជួយសម្រួលគ្នាទេ។
មិនអាចសុំការបំភ្លឺពីលោក ហេង ងួនស្រ៊ុនអភិបាលរងស្រុកជុំគីរីបានទេ តាមរយៈទំនាក់ទំនងទូរស័ព្ទ និងសារអេឡិចត្រូនិចតាមប្រព័ន្ធ Messages ក្នុងទូស័ព្ទរបស់លោកពាក់ព័ន្ធបញ្ហាខាងលើនេះ។
លោក ទុំ ភាប្រធានការិយាគាំទ្របច្ចេកទេសឃុំស្រុកជុំគីរី លោកបាននិយាយថាៈ លោកមិនបានចូលរួមនោះទេ។ លោកបន្តថា គេធ្វើខុសរបៀបកាលពីដើម ខាងលើគេអោយធ្វើតាមអ្វីដែលគេចង់បានចឹងហើយបានជាលោកមិនចូលរួម ។ លោកបញ្ជាក់បន្ថែមថាមុនធ្វើការលទ្ធកម្មយើងត្រូវធ្វើការប្រកាស់ដេញថ្លៃពេលនេះអត់បានធ្វើចឹងផង ដោយសារមានបញ្ហាបានជាលោកមិនចូលរួម។
ឯកឧត្តម ម៉ៅ ធនិន អភិបាលនៃ គណៈអភិបាលខេត្តកំពតលោកជាប់រវល់ប្រជុំនិងលោកបានប្រាប់អោយផ្ញើឯកសារសំណួរតាមប្រព័ន្ធ Messagesទៅលោកកាលពីរសៀលថ្ងៃទី០៧ខែមេសា ឆ្នាំ២០២៤។ ប៉ុន្តែគ្មានការឆ្លើយតបត្រឡប់មកវិញទេនៅព្រឹកថ្ថ្ងៃទី៩ខែមេសា ឆ្នាំ២០២៤នេះ។
ពាក់ព័ន្ធ បញ្ហាខាងលើនេះអង្គភាពយើងខ្ញុំបានស្នើសុំប្រតិកម្មពី ឯកឧត្តម ទេសរដ្ឋមន្រ្តី ឪម យិនទៀងប្រធានអង្គប្រឆាំងអំពើពុករលួយនៅល្ងាចថ្ងៃទី០៧ខែមេសាឆ្នាំ២០២៤តាមប្រព័ន្ធតេលេក្រាមផ្លូវការរបស់លោក តែឯកឧត្តមគ្រាន់តែចូលមើលតែគ្មានការឆ្លើយតប។
នៅថ្ងៃទី០៨ខែមេសា ឆ្នាំ២០២៤ អង្គភាពការសែតអភិវឌ្ឍន៍ និងគេហទំព័រWWW.AP-NEWS.NET បានផ្ញើសំណួរតាមប្រព័ន្ធតេលេក្រាមគោរណជូន ឯកឧត្តម សួស ប្រាស្នា អគ្គនាយកដ្ឋានរដ្ឋបាលក្រសួងមហាផ្ទៃដែលមានខ្លឹមសារថា៖ តើសៀវភៅណែនាំស្តីពីការអនុវត្តន៍គម្រោងមូលនិធិឃុំ សង្កាត់ឆ្នាំ២០១៧នៅមានដំណើរកាដែរឬទេ? តើគួរមានវគ្គបណ្តុះបបណ្តាលពង្រឹងនិងអភិវឌ្ឍន៍សមត្ថភាពយ៉ាងដូចម្តេចដើម្បីអោយថ្នាក់ក្រោមជាតិមានការទទួលខុសត្រូវប្រកបដោយគនីយភាព និងគ្មានការរំលោភអំណាច? បណ្តាឃុំបានស្នើដល់ក្រសួងមហាផ្ទៃបើកការស៊ើបអង្កេតពីភាពមិនប្រក្រតីស្តីពីកិច្ចលទ្ធកម្មឃុំសង្កាត់ក្នុងខេត្តកំពតឆ្នាំ២០២៤នេះ?
ឯកឧត្តម សួស ប្រាស្នា អគ្គនាយកដ្ឋានរដ្ឋបាលក្រសួងមហាផ្ទៃ បានឆ្លើយតបវិញថា បានទទួល សូមអរគុណ!
យោងតាមច្បាប់ស្តីពីការប្រឆាំងអំពើពុករលួយ ជំពូក ទី១ បទប្បញ្ញាត្តិទូទៅ មាត្រា៤ និយមន័យ ត្រង់ចំណុច ១៨ចែងថា អ្នកផ្តើមគំនិតមានន័យថា បុគ្គល ណាដែលៈ ក. ជំរុញអោយប្រព្រឹត្តបទល្មើសពុករលួយតាមការណែនាំ ឬបញ្ជា ខ. បង្ករអោយមានបទល្មើសពុករលួយ ដោយផ្តល់អំណាចដោយការសន្យា ឬការគំរាមកំហែង ការញុះញុង ការលួងលោម ឬដោយការរំលោភអាជ្ញារ ឬអំណាចរបស់ខ្លួន។ ត្រង់ចំណុច ១៩បានចែងថា. អ្នកសមគំនិត មានន័យថា បុគ្គលដែលជួយសម្រួលដោយចេតនាដល់ការប៉ុនប៉ង ឬការសម្រេចបទល្មើសពុករលួយដោយផ្តល់ជំនួយ ឬការឧបត្ថមរបស់ខ្លួន។ (ទំព័រទី៤)
យោងតាមសៀវភៅណែនាំស្តីពីការអនុវត្តន៍គម្រោងមូលនិធិឃុំសង្កាត់ឆ្នាំ២០១៧ រៀបចំដោយគណៈកម្មាធិការសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ត្រង់ជំពូកទី៣កិច្ចលទ្ធកម្ម និងការគ្រប់គ្រងកិច្ចសន្យាត្រង់ចំណុច:
៣.១.២. គោលការណ៍សំខាន់ៗនៃកិច្ចលទ្ធកម្ម
កិច្ចលទ្ធកម្មត្រូវអនុវត្តដោយផ្អែកតាមគោលការណ៍សំខាន់ៗចំនួន០៣គឺ៖
១/ ត្រូវអនុវត្តក្នុងលក្ខណៈមួយដែលមានតម្លាភាព ប្រសិទ្ធភាព និងសន្សំសំចៃបំផុត តាមដែលអាចទៅបានដោយធានាគុណភាព
២/ អ្នកដេញថ្លៃ ត្រូវមានឪកាសស្មើៗគ្នា ដើម្បីចូលរួមក្នុងដំណើរការដេញថ្លៃ ក្រោមល័ក្ខខ័ណ្ឌ យុត្តិធម៌ និងស្មើភាព
៣/លទ្ធផលនៃការដេញថ្លៃត្រូវផ្សព្វផ្សាយជាសាធារណៈ។
តម្លាភាពមានសារៈសំខាន់ខ្លាំងណាស់នៅក្នុងប្រព័ន្ធគ្រប់បែបវិមជ្ឍការ។ តម្លាភាពមិនគ្រាន់តែមានន័យថា នីតិវិធីទាំងឡាយត្រូវបានអនុវត្តន៍តាមយ៉ាងត្រឹមត្រូវទាំងអស់នោះទេ វាមានន័យសំខាន់ជាងនេះ ទៅទៀតនោះ គឺប្រជាពលរដ្ឋគ្រប់រូបអាចមើលឃើញ និងដឹងយ៉ាងពិតប្រាកដថា នីតិវិធីទាំងឡាយត្រូវបានគោរព និងអនុវត្តន៍បានយ៉ាងត្រឹមត្រូវ។
ប្រជាពលរដ្ឋមានសិទ្ធិដឹងលឺអំពីការសម្រេចរបស់រដ្ឋបាលឃុំ សង្កាត់ក្នុងការប្រើប្រាស់ថវិកាឃុំ សង្កាត់របស់ខ្លួន។ ប្រសិនបើការអនុវត្តនីតិវិធីលទ្ធកម្មនៅពេលប្រជុំបើកសំណើរដេញថ្លៃ មានតែគណៈកម្មការលទ្ធកម្ម០៣រូបប៉ុណ្តោះ ដែលបានចូលរួមបើកសំណើរដេញថ្លៃ និងសម្រេចអោយអ្នកដេញថ្លៃម្នាក់ដែលបានដាក់តម្លៃដេញថ្លៃទាបជាងគេឈ្នះ ហើយលទ្ធផលនៃការដេញថ្លៃនេះ មិនបានផ្សព្វផ្សាយជាសាធារណៈទេ។ តម្លៃដេញថ្លៃឈ្នះនេះនឹងដូចគ្នាទៅនឹងតម្លៃដេញឈ្នះនៅក្នុងការអនុវត្តន៍នីតិវិធីលទ្ធកម្មដែលមានការចូលរួម និងការផ្សព្វផ្សាយជាសាធារណៈដែរ។ ប៉ុន្តែរក្នុងករណីនេះ ពុំមានអ្នកណាម្នាក់ដឹងថា មូលហេតុអ្វីដែលអ្នកដេញថ្លៃរូបនេះត្រូវបានជ្រើសរើស ហើយមួយហេតុអ្វីដែលអ្នកដេញថ្លៃ ដទៃទៀតមិនត្រូវបានជ្រើសរើស ហើយក៏ពុំមានអ្នកណាម្នាក់ដឹងថាតម្លៃ ដេញថ្លៃឈ្នះនេះ គឺជាតម្លៃ ដាក់ដេញដែលទាបជាងគេនោះដែរ។ នេះមានន័យថា ពុំមានតម្លាភាពនោះទេ។ (ទំព័រទី១៤៧)
ប្រជាពលរដ្ឋអ្នកសង្កេតការណ៍ មេឃុំដែលបានផ្តល់បទសម្ភាសន៍ បានស្នើដល់ឯកឧត្តម ទេសរដ្ឋមន្រ្តី ឪម យិនទៀងប្រធាន អង្គភាពប្រឆាំងអំពើពុករលួយ ឯកឧត្តមអភិសន្តិបណ្ឌិត ស សុខារដ្ឋមន្រ្តីក្រសួងមហាផ្ទៃ និងឯកឧត្តម ម៉ៅ ធនិនអភិបាលនៃគណៈអភិបាលខេត្តកំពតបើកការស៊ើបអង្កេតការស្រាវជ្រាវអនុវត្តន៍គម្រោងមូលនិធិឃុំសង្កាត់ក្នុងឆ្នាំ២០២៤នេះប្រកបដោយតម្លាភាព៕
អង្គភាពការសែតអភិវឌ្ឍន៍ និងគេហទំព័រ WWW.AP-NEWS.NET យើងខ្ញុំរីករាយចួលរួមសហការណ៍និងផ្តល់ព័ត៌មានលំអិតចំពោះអង្គភាពពាក់ព័ន្ធដែលមានបំណងស្វែងរកយុត្តិធម៌សង្គមនិងបើកការស៊ើបអង្កេតប្រកបដោយតម្លាភាព៕តាមរយៈលេខទូរស័ព្ទ៖ ០១២ ៣៩១ ៦០៦/០៩៧ ៩៣៦ ០៧០៧ សារតេលេក្រាម៖ ០១២ ៣៩១ ៦០៦ ហ្វេសបុកផ្លូវការ Sauth Sophon ផេកផ្លូវ ការសែតអភិវឌ្ឍន៍ និង ផេក APN TV APN TV online។ អត្ថបទចែករំលែក ដោយ លោក ហេង សារុន
